Համագործակցության հուշագիր՝ «Ազնավուր» քոլեջի և Պարոնյանի անվան թատրոնի միջև
Երևանի Շառլ Ազնավուրի անվան մշակույթի և արվեստի պետական քոլեջի և Հակոբ Պարոնյանի անվան երաժշտական կոմեդիայի պետական թատրոնի միջև կնքվեց համագործակցության հուշագիր։
Հանդիպման ընթացքում «Ազնավուր» քոլեջի տնօրեն Վրեժ Կիրակոսյանն ու Հ․ Պարոնյան թատրոնի տնօրեն Կարո Շահբազյանը քննարկեցին հետագա համագործակցության հնարավորություններն ու հեռանկարները։ Համատեղ մի շարք երկարաժամկետ ծրագրերի իրագործման համար, երկու ՊՈԱԿ-ների տնօրենները ձեռք բերեցին պայմանավորվածություններ։
Երկկողմ կնքած հուշագրի արդյունքում, կողմերը միմյանց կցուցաբերեն ակադեմիական, մշակութային, կրթական ծրագրեր իրականացնելու աջակցություն։ Ինչպես նաև, «Ազնավուր» քոլեջի ուսանողների համար թատրոնը, որպես պրակտիկ հարթակ տրամադրելու և կրթական ծրագրեր իրականացնելու համար։