Քոլեջի ուսանողուհի Անի Գալստյանն արժանացել է Հայաստանի Պատմության Թանգարանի վկայականին
Քոլեջի «Արվեստի ստեղծագործությունների վերականգնում, կոնսերվացում և պահպանում» մասնագիտության 4-րդ կուրսի ուսանողուհի Անի Գալստյանը, շուրջ երեք ամիս, մասնակցել է քոլեջի գործընկեր Հայաստանի պատմության թանգարանի «Վերականգնման և կոնսերվացման» բաժնում տարվող աշխատանքներին:
2025 թվականի մարտ-մայիս ամիսներին թանգարանի «Վերականգնման և կոնսերվացման» բաժնում Անի Գալստյանը (դասախոս Սամվել Ենոքյան) քոլեջում ձեռք բերած մասնագիտական գիտելիքները ներդնելով թանգարանային աշխատանքներում, ինչպես նաև՝ ցուցաբերելով բարձր պատասխանատվություն, թանգարանի կողմից արժանացել է Վկայականի:
Ներգրավված լինելով թանգարանի «Վերականգնման և կոնսերվացման» բաժնի աշխատանքներին, եռամսյակի ընթացքում Անին ձեռք է բերել մասնագիտական մեծ փորձ և քոլեջն ավարտելուց անմիջապես հետո աշխատանքի կանցնի թանգարանի համապատասխան բաժնում։