Ստեղծագործական մոտիվացիա և կառուցողական զրույց՝ Արմինե Անդայի և Շառլ Ազնավուր քոլեջի ուսանողների միջև

Քոլեջի «Ռեժիսուրա», «Դերասանական արվեստ» և «Լուսանկարչական գործ» մասնագիտություններում սովորող ուսանողները դիտեցին ռեժիսոր Արմինե Անդայի «Թռչող տերևների երգը» կարճամետրաժ անիմացիոն ֆիլմը։ «Թռչող տերևների երգը» Ֆիլմի թեման առնչվում է ուսուցիչ-աշակերտ, հայր-երեխա, մեծահասակ-փոքրահասակ հարաբերությանն ու նրա ուժին, նաև նրան, որ նույնիսկ ամենաանհնարին հանգամանքներում դեպի երազանք ճանապարհ կա:

Դիտումից հետո ուսանողների հետ հանդիպում և մասնագիտական զրույց անցկացրեց ռեժիսոր, սցենարիստ, պրոդյուսեր, դերասանուհի, Հայաստանի կինեմատոգրաֆիստների միության «Անիմացիոն գիլդիայի» նախագահ Արմինե Անդան։

Ֆիլմի դիտումն ու անմիջական հանդիպումը ուսանողների համար  առիթ հանդիսացան ծանոթանալու անիմացիոն կինոյի ստեղծման գործընթացին։ Զրույցը նպաստեց նրանց մասնագիտական հետաքրքրությունների ընդլայնմանը, տրամադրեց ստեղծագործական մոտիվացիա և հնարավորություններ՝ Իսկ հարցերի միջոցով քննարկելու ոլորտի արդի զարգացումները։

Ռեժիսորի հետ կառուցողական զրույցը նպաստեց ուսանողների մասնագիտական աճին, ինչպես նաև ստեղծագործական մտքի զարգացմանը։

Լուսանկարները՝ «Լուսանկարչական գործ» մասնագիտության 2-րդ կուրսի ուսանողուհի Մարիաննա Քամալյանի և Արգինե Կարապետյանի։