«Արվեստում դժվարությունները մեզ կոփում են»․ ֆրանսահայ դերասան Արման Սարիբեկյանը՝ քոլեջի ուսանողներին
«Մեր մասնագիտության մեջ յուրաքանչյուր բարդություն, եթե ընդունեք
որպես մարտահրավեր, ապա կհաղթեք։ Արվեստում դժվարությունները մեզ կոփում են»,- Երևանի Շառլ Ազնավուրի անվան մշակույթի և արվեստի պետական քոլեջի
ուսանողների հետ ունեցած վարպետության դասի ժամանակ ասաց ֆրանսահայ դերասան Արման Սարիբեկյանը։
«Ազնավուր» հիմնադրամի նախաձեռնությամբ, ֆրանսահայ դերասանի վարպետության դասն ընթացավ ջերմ ու ակտիվ գործնական մթնոլորտում։ Քոլեջի «Դերասանական արվեստ», «Ռեժիսուրա», «Էստրադային արվեստ» և «Երգեցողություն» մասնագիտությունն ուսումնասիրող 40 ուսանող, կիրառական դասի շնորհիվ ծանոթացավ արտիստի բեմական գաղտնիքներին՝ ժամանակակից մեթոդներով։
«Մեր մասնագիտության հիմքում մարդկային գործոնն է՝ մարդկային արժեքները։ Հայերս ուժեղ ենք մեր արվեստի շնորհիվ, արվեստով զբաղվելու լրջությամբ։ Եթե որոշել եք արտիստ դառնալ, ուրեմն պետք է լրջությամբ զբաղվեք»,- ապագա արտիստներին խորհուրդ տվեց ֆրանսահայ դերասան Արման Սարիբեկյանը։
Ավարտին ֆրանսահայ դերասանը խոստացավ նման ձևաչափով կրկին վերադառնալ Ազնավուր քոլեջ։
Լուսանկարները՝ «Լուսանկարչություն» մասնագիտության 4-րդ կուրսի ուսանողներ Էլեն Աբրամովայի և Մարգարիտա Աթոյանի։
Տեսանյութը՝ «Լուսանկարչություն» մասնագիտության 4-րդ կուրսի ուսանող Կարապետ Խաչատրյանի
Վարպետության դասի մանրամասները՝ տեսանյութում․