Արթուր Գրիգորյանն անփոխարինելի էր․․․
Այսօր, 64 տարեկանում, կյանքից հեռացել է ՀՀ ժողովրդական արտիստ, կոմպոզիտոր, Հայաստանի
երգի պետական թատրոնի հիմնադիր և գեղարվեստական ղեկավար Արթուր Գրիգորյանը։ Նա հեղինակել է բազմաթիվ երգեր, մանկական մյուզիքլներ,
մասսայական միջոցառումներ, փառատոներ, թեմատիկ և էստրադային համերգներ:
Մաեստրոյի մահվան բոթն անասելի կորուստ է հայկական էստարադայի համար, որտեղ յուրաքանչյուրը թրծվել ու երաժշտական ճաշակ է ստացել Արթուր Գրիգորյանի երգարվեստի դարբնոցում։
Երևանի Շառլ Ազնավուրի անվան մշակույթի և արվեստի պետական քոլեջը վշտակցում է մաեստրո Արթուր Գրիգորյանի ընտանիքին, հարազատներին, ընկերներին ու նրա արվեստի երկրպագուներին։
Լույսերի մեջ մնաս լեգենդար Մաեստրո․․․
Կոմպոզիտոր Արթուր Գրիգորյանի հոգեհանգիստը տեղի կունենա վաղը՝ փետրվարի 5-ին, «Արամ Խաչատրյան» համերգասրահում ժամը 17:00-20:00-ը:
Հուղարկավորությունը տեղի կունենա փետրվարի 6-ին՝ ժամը 11:00-13:00-ը, նույն վայրից:
