Ինչո՞ւ ընտրել «Լուսանկարչական գործ» մասնագիտությունը

Ի՞նչ է անում լուսանկարիչը

Լուսանկարիչը, լուսանկարչական տեխնիկայի օգնությամբ, իրականացնում է զանազան իրադարձությունների, միջոցառումների, մարդկանց, տարբեր օբյեկտների և պատկերների նկարահանում, ստացված լուսանկարների արխիվացում, մշակում և տպագրում:

Նկարահանումից առաջ ստուգում է մարտկոցների սարքին և լիցքավորված լինելը, ստուգում է կրիչի սարքին լինելը և պարունակությունը, օբյեկտիվների գործածելիու­թյունը։ Շտկում է էքսպոզիցիան, ըստ նկարահանման վայրի, անհրաժեշտության դեպքում կիրառելով լուսավորման հավելյալ սարքեր:

Ի՞նչ առաջադրանքներ է կատարում

·     Ընտրում է ճիշտ նկարահանման կետ՝ օբյեկտի նկարահանման համար,

·     Տեղին, պահանջարկին օգտագործում է տարբեր պլանները, դետալները, որոնք լինեն պատճառաբանված և արդարացված,

·     Կադրում տաք և սառը գույների ճիշտ նպատակային օգտագործումը,

·     Լուսավորության ճիշտ, ռեալ օգտագործումը՝ կադրի կոմպոզիցիայում,

·     Իրականացնում է տարբեր միջոցառումների նկարահանում։

Լուսանկարիչը գիտի՝

·     Ըստ տեխնիկական պահանջի՝ կատարել լուսավորում, կառուցել կադրը,

·     Ըստ նկարահանվող օբյեկտի և խնդրի՝ ընտրել ճիշտ էքսպոզիցիա,

·     Ըստ կադրի կարևորության՝ որոշել պարզորոշության խորությունը:

·     Ըստ լույսի գունային ջերմաստիճանի՝ որոշել գունային տաքությունը,

·     Արխիվացնել ստացված պատկերները, մշակման հատուկ ծրագրերով շտկել գունային, լուսային և կոմպոզիցիոն թերությունները,

·     Ըստ տպագրման պահանջի՝ ընտրել պատկերի ձևաչափը և չափը, կատարել  տպագրումը:

Լուսանկարիչը կարողանում է՝

·     Ֆոտոկոմպոզիցիայի ճիշտ կառուցում, և նկարահանում,

·     Լուսանկարչական տեխնիկայի ճիշտ կիրառում,

·     Տեխնիկական անթերի պատկերի ստացում,

·     Ֆոտոլուսավորման կազմակերպում՝ համապատասխան լուսանկարչական սարքավորումների միջոցով,

·     Գեղարվեստական ճիշտ լուսանկարի ստեղծում,

·     Լուսանկարի արխիվացում, մշակում և տպագրում:

Իսկ Դուք գիտե՞ք, որ․

Առաջին լուսանկարը նկարահանվել է 1822 թվականին՝ ֆրանսիացի Ժոզեֆ Նյեպսի կողմից, որը տևել է 8 ժամ։ Լուսանկարչության տեխնոլոգիայի հիման վրա ստեղծվել է օպերատորական արվեստը, որը կերպարվեստի տեսակներց մեկն է։ Կադրի ձևավորում հասկացությունը գոյություն ունի ոչ միայն կերպարվեստում, ֆոտոգրաֆիայում, օպերատորական արվեստում, այլ նաև ճարտարապետության և երաժշտության մեջ: Պատկերի հարթության վրա (ինչպես  կտավը) դասավորվելով կառուցվում է տվյալ թեմայի կտավային կոմպոզիցիան՝ և հենց սա էլ կոչվում է «Կադրի կոմպոզիցիա»: Կամ այլ ձևակերպմամբ` կադրը իր բնույթով, բովանդակությամբ, կառուցվածքով կոչվում է կոմպոզիցիա։

Այն, ինչ լուսանկարը վերարտադրում է, տեղի է ունենում միայն մեկ անգամ։ Լուսանկարը մեխանիկորեն կրկնում է մի բան, որը երբեք չի կրկնվի փաստացի: Լուսանկարչությունը գեղանկարչություն չէ: Լուսանկարչին, ճիշտ է, նկարիչ  չենք համարում, սակայն նա ունի իր ուրույն ընկալումը, ինքնատիպ հայացքն այն ամենի հանդեպ, ինչը մենք ամեն օր տեսնում, բայց չենք նկատում:

Շառլ Ազնավուր քոլեջի բոլոր մասնագիտություններին և ընդունելության պայմաններին ծանոթանալու համար սեղմի՛ր այստեղ․