Ինչո՞ւ ընտրել «էստրադային արվեստ» մասնագիտությունը
Ի՞նչ է անում էստրադային դերասանը
Էստրադային դերասանը հանդես է գալիս որպես էստրադային արվեստի տարբեր ժանրերի դերասան-կատարող, շանսոն, վարիեթե, կոնֆերանսիե (ելույթավար)՝ էստրադային և համերգային ծրագրերի արհեստավարժ կատարող, ինքնագործ ժանրի (մնջախաղ, հումոր, երգիծանք, պարոդիա`ծաղրերգու), ֆելիետոն մենախոսություն մանրախաղ, էստրադային համերգների և ելույթների կազմակերպիչ և բեմադրող։ Ինչպես նաև հանդես է գալիս, որպես երաժշտական թատրոնի դերասան, երգչուհի՝ կատակերգության մեջ։
Ի՞նչ առաջադրանքներ է կատարում
· Էստրադային համերգների և ելույթների կազմակերպում։
· Կատարում է կերպարի ընտրություն։
· Լսի և ճանաչի հայ, ռուս և արտասահմանյան էստրադային արվեստի արտիստներին։
Էստրադային դերասանը գիտի՝
· Էստրադային արվեստի ժանրերը։
· Դերասանի կերպարի առանձնահատկությունները։
· Դերասանի խաղը՝ երգի հետ զուգակցված։
Էստրադային դերասանը կարողանում է՝
· Լինել բազմաժանր, զուգակցել երգեցողությունը դերային խաղի հետ։
· Ստեղծել կերպարներ և տիրապետել բեմի կանոններին։
· Ներկայացման բեմադրության ժամանակ արագ կերպարանափոխվել։
· Ստեղծել տրամադրություն և թողնել տպավորություն՝ հանդիսատեսի մոտ։
· Կարողանում է հաղորդակցվել հանդիսատեսի հետ։
· Երգի ու դերախաղի միջոցով գրավել հանդիսատեսին։
Իսկ Դուք գիտե՞ք, որ
Էստրադային դերասանին սկզբնական շրջանում անվանել են թափառաշրջիկ դերասան։ Այդ մասին առաջին հիշատակությունը վերաբերում է 1068 թվականին, նրանց պատկերները պահպանվել են Կիևի Սոֆիայի տաճարի որմնանկարներում (1037)։ Նրանք հանդես են եկել հրապարակներում, փողոցներում՝ միաժամանակ որպես երգիչներ, պարողներ, երաժիշտներ, բեմական փոքր տեսարանների կատարողներ, մնջախաղացներ, վարժեցնողներ, ակրոբատներ։ Եղել են իրենց կատարած երաժշտական և դրամատիկ, երկերի մեծ մասի հեղինակը։
Ներկայացման գլխավոր հերոսը եղել է ուրախ, ճարպիկ գեղջուկը, որը սովորաբար իր խելամտությունը քողարկել է կատակաբան պարզամտի դիմակով։ Օգտագործել են՝ դհոլներ, ափսեներ, որոնք հետագայում մտել են կրկես։
16-17-րդ դարերին նրանք հանդես են եկել ինչպես անհատ, այնպես էլ խմբերով (70-100 հոգով), կրել դիմակներ (այդ թվում՝ գազանների)։ Նրանց արվեստը փառաբանել է երկրային զվարճությունները և հակադրվել եկեղեցուն։
Ժամանակի ընթացքում այս արվեստի որոշ ավանդույթներ անցել է էստրադա և կրկես։
Շառլ Ազնավուր քոլեջի բոլոր մասնագիտություններին և ընդունելության պայմաններին ծանոթանալու համար սեղմի՛ր այստեղ․