- Լուրեր
- Ջազային քոլեջի հիմնադիր Ակսել Բակունցը կդառնար 75 տարեկան
Ջազային քոլեջի հիմնադիր Ակսել Բակունցը կդառնար 75 տարեկան
Օրերս, ՀՀ արվեստի վաստակավոր գործիչ,
ՀՀ մշակույթի նախարարության ոսկե մեդալակիր, երաժիշտ, ջազմեն Ակսել Բակունցը՝ Կոկան,
նոյեմբերի 22-ին կդառնար 75 տարեկան։
ՀՀ ԿԳՄՍՆ Երևանի մշակույթի և արվեստի պետական քոլեջի կառավարման խորհուրդը, հոբելյանական տարվա կապակցությամբ, որոշում է կայացրել ԵՄԱՊՔ-ի դահլիճը, որն այս պահին գտնվում է վերանորոգման փուլում, անվանակոչել Ակսել Բակունցի անվամբ։
Հայաստանում ջազային և էստրադային վոկալ-գործիքային արվեստի հիմնադիր Ակսել Բակունցը, կամ ինչպես ընկերներն էին սիրում նրան անվանել՝ Կոկան, սովորել է Երևանի Կոմիտասի անվան պետական կոնսերվատորիայի կոնտրաբասի բաժնում: Տարբեր ժամանակներում ղեկավարել է «Կռունկ», «Սերպանտին», «Արմինա» էստրադային երաժշտական համույթները: Հանդիսացել է «Հայհամերգի» միավորման գեղարվեստական ղեկավարը: Եղել է Հայաստանում վոկալ-գործիքային խմբերի հիմնադիրներից մեկը: Մեծ ավանդ է ունեցել էստրադային արվեստի ոլորտի կադրերի պատրաստման գործում: Հիմնել և ղեկավարել է «Հայհամերգ»-ին կից էստրադային ստուդիան, որը հետագայում վերանվանվել է Երևանի էստրադային և ջազային արվեստի պետական քոլեջի: Բազմիցս հայ էստրադային արվեստը ներկայացրել է արտերկրում: