Ազնավուր քոլեջի և Թ․ Ալթունյանի անվան վաստակավոր անսամբլի միջև կնքվեց համագործակցության հուշագիր
Օրերս, Երևանի Շառլ Ազնավուրի անվան
մշակույթի և արվեստի պետական քոլեջի և Թաթուլ Ալթունյանի անվան Հայաստանի երգի-պարի պետական վաստակավոր
անսամբլի միջև համագործակցության հուշագիր
կնքվեց։
«Վստահ եմ, այս աննկարագրելի ֆանտաստիկ նվագախմբի հետ մեր համագործակցության հուշագիրն ապագայում կծառայի մեր արվեստը կրող երիտասարդներին՝ հայ արվեստի հանրահռչակման ու զարգացման համար»,- համագործակցության հուշագիրը կնքելուց հետո ասաց Երևանի Շ․Ազնավուրի անվան մշակույթի և արվեստի պետական քոլեջի տնօրեն Վրեժ Կիրակոսյանը:
Թաթուլ Ալթունյանի անվան Հայաստանի երգի-պարի պետական վաստակավոր անսամբլի տնօրեն և գեղարվեստական մասի պատասխանատու Գրիգոր Ոսկանյանն էլ համաձայնելով պարոն Կիրակոսյանի հետ հավելեց․ «Ես նույնպես վստահ եմ, որ մենք առջևում համատեղ շատ ու շատ մեծ նախագծեր ենք իրականացնելու՝ Ազնավուր քոլեջի տաղանդավոր սաների մասնակցությամբ, որոնք ուղղվված կլինեն մեր մշակույթի հանրահռչակմանն ու զարգացմանը»։
Երկկողմ կնքած հուշագրի արդյունքում, կողմերը միմյանց կցուցաբերեն ակադեմիական, մշակութային, կրթական ծրագրեր իրականացնելու աջակցություն։ Կողմերը, համատեղ երկարաժամկետ ծրագրերի իրագործման համար ձեռք բերեցին մի շարք պայմանավորվածություններ, որոնք իրականություն կդառնան կարճ ժամանակահատվածում։
Մանրամասները՝ տեսանյութում․