ԵՄՊՔ տնօրեն Վրեժ Կիրակոսյանի Ամանորի շնորհավորանքը
December 31, 2019 at 6:22 pm
Շնորհավոր Ամանոր և Սուրբ Ծնունդ
Հարգելի
բարեկամներ, գործընկերներ,
Շնորհավորում
եմ բոլորիս Ամանորի և Սուրբ Ծննդյան տոների կապակցությամբ: Յուրաքանչյուր Ամանոր ազդարարում
է նոր մեկնարկի սկիզբ, ես ցանկանում եմ, որ այդ մեկնարկը բոլորիս համար լինի հաջողակ
ու խոստումնալից: Տարեվերջի ու տարեմուտի այս օրերին ընդունված է ամփոփել անցնող տարին
և գալիք տարվա համար բարեմաղթանքներ հղել, որոնք լի են նոր հույսերով ու սպասումներով:
Անցնող տարին ճանապարհում ենք աշխատանքային հաջողություններով, շուրջտարյա անընդմեջ
գործունեության հուսադրող արդյունքներով և ոտք ենք դնում հաջորդ տարի ավելի լավ ակնկալիքներով
ու սեփական ուժերի հանդեպ ակնհայտ վստահությամբ` համախմբելով մեր ջանքերն ու կարողությունները
ավելի լավ ապագայի համար: Թող 2020 թվականը լինի կայունության, նոր հաջողությունների
և ձեռքբերումների տարի:
Նոր
տարին բոլորիս համար ոչ միայն ամենասիրված ու ամենասպասված, այլև ավանդական ու ընտանեկան
տոն է: Երևանի մշակույթի պետական քոլեջն
էլ մի մեծ ընտանիք է, որն իր 90-ամյա գործունեությամբ այսօր կրթում է սերունդներին՝
նրանց մեջ սերմանելով հայրենասիրություն, ազգային ավանդական արժեքներ, որը բնորոշ է
հայի գենին: Ես միանում եմ բոլոր այն շնորհավորանքներին, որ հնչելու են առաջիկա օրերին
մեր տներում ու ընտանիքներում, բոլոր բարեմաղթանքներին, որոնք դեռ ասելու եք միմյանց
սիրով ու լավատեսությամբ:
Կրկին
անգամ շնորհավորում եմ բոլորիս, մաղթում ընտանեկան ջերմություն ու երջանկություն, առողջություն,
աշխատանքային ու անձնական հաջողություններ:
Շնորհավոր Ամանոր և Սուրբ Ծնունդ
Երևանի
մշակույթի պետական քոլեջի տնօրեն Վրեժ Կիրակոսյան